Përveç paraqitjeve të tij të shkëlqyera brenda fushës së blertë, Marash Kumbullës duket se po i ecën mirë jeta edhe jashtë futbollit.
Kumbulla vazhdon të jetë ndër futbollistët shqiptar më të vlerësuar , teksa vetëm një muaj më parë u zyrtarizua si lojtari më i ri i Romës, falë talentit të tij dhe paraqitjeve të shkëlqyera me skuadrën e Veronës. Talenti 20-vjeçar është momentalisht lojtari më i shtrenjtë kuqezi, teksa vlera e tij aktuale prek shifrat 25 milionë euro.
Por mbrojtësit shqiptar duket se po i ecën mirë jeta edhe jashtë futbollit. Tashmë është e konfirmuar lidhja e tij me modelen Greta Manzato. Bukuroshja italiane ka publikuar së fundmi në rrjetet sociale foto të shumta në krah të futbollistit shqiptar, ndërsa duket më e dashuruar se kurrë.
Manzato është shumë aktive në rrjetet sociale duke postuar vazhdimisht edhe linjat e saj perfekte, ndërsa nuk ngurron t’i shprehë dashurinë mbrojtësit shqiptar përmes fotove të ndryshme, të cilat nuk do të pëlqeheshin shumë në vendin e origjinës së Kumbullës.
Kumbulla bëri debutimin me Kombëtaren shqiptare në minutat e fundit kundër Moldavisë dhe kjo lëvizje e Edi Rejas ishte për ta bërë përjetësisht kuqezi talentin 20-vjeçar. Kumbulla u aktivizua si titullar në ndeshjen ndaj Kazakistanit, ku dhe luajti gjatë gjithë ndeshjes duke dhënë sërish një performancë të nivelit të lartë.
Fj.Ak/Fjala.al
