Kryeministri Edi Rama dhe kryebashkiaku Erion Veliaj ishin prezentë në stadiumin “Air Albania” për përurimin e qendrës teknologjike “TUMO”.
Kjo qendër e ngritur nga bashkëpunimi mes qeverisë, Bashkisë Tiranë dhe Fondacionit Shqiptaro-Amerikan do të krijojë mundësinë që rreth 1 mijë fëmijë të moshave nga 12 deri në 18 vjeç, të përfshihen në tetë disiplina mësimore për sa i përket zhvillimit të video-lojërave, animimit, dizajnit grafik, prodhimit të filmit, muzikës, programimit, robotikës dhe modelimit 3-D.
Rama e cilësoi këtë investim edhe si një përgjigje ndaj skeptikëve për stadiumin “Air Albania”.
“Ndaj atyre që thoshin se stadiumi po rindërtohet për të bërë shopping dhe tregti, atyre që pranonin se nën shkallët e stadiumit të ishin krejtësisht të papërdorshme ja që aktualisht nuk është. U ndjeva në ngërç të moshës, pasi Zaho është nën kësaj moshe, por më vjen mirë që 1 mijë fëmijë do të kenë mundësinë të hyjnë në këtë botë magjike dhe të kenë në dorë instrumente që kanë moshatarë të tyre në Moskë, Berlin dhe Paris.”, theksoi Rama.
Tirana bëhet kështu kryeqyteti i katërt pas Moskës, Parisit dhe Berlinit, jashtë Jerevanit në Armeni, që ka një qendër teknologjie “TUMO”. Ky projekt i cili synon të zhvillohet më tej me koordinimin e AADF-së dhe Bashkisë Tiranë.
Pa.Va/Fjala.al
