Interpoli ka publikuar foto të reja të Dritan Rexhepit, i dyshuari kryesor për trafikun e kokainës në Amerikën Latine.
Operacioni Los Blancos prangosi 20 persona mes të cilëve 5 shqiptarë të cilët organizonin transportin dhe me pas shpërndarjen e kokainës.
40-vjeçari nga Vlora ka qënë i kërkuar nga Italia,Spanja dhe Shqipëria dhe është i burgosur në Ekuador.
Rexhepi akuzohet për një sërë krimesh në vendin tonë, mes tyre dhe për rrëmbimin e Jan Prengës.
Kush është Dritan Rexhepi?
Dritan Rexhepi rezulton i dënuar në mungesë me 25 vite burgim, për vrasjen e dy policëve në Fushë-Krujë, Arben Keqi e Durim Kasmi, ngjarje e ndodhur në vitin 1998.
Hera e fundit që rezulton se ai ka hyrë në Shqipëri, është data 16 nëntor 2013, nga pika e kalimit Kufitar në Kakavijë, ku ka përdorur një pasaportë me emrin Lulzim Murataj.
Rexhepi, njihet si mjeshtri i arratisjeve nga burgu. Fillimisht, ai është arrestuar në 2007 në ambientet e “Hotel Tirana” së bashku me Nadien Zeneli Pas arrestimit është transferuar në Durrës, pasi oficerët e Drejtorisë së Policisë Durrës kishin kryer të gjithë operacionin për zbulimin dhe prangosjen e tij. /Ra.My.Fjala.al/
