Serbia ka kujtuar ditën e sotme sfidën me Shqipërinë që u zhvillua në Beograd.
Duket se as ata nuk e harrojnë dot atë ndeshje ku simbolet shqiptare ishin të ndaluara, por jo për Ballist Morinën, i cili dërgoi një dron me flamurin e famshëm “Autochtonus” në mes të stadiumit. Kjo gjë i acaroi shumë tifozët serbë, që filluan të hidhnin sende në fushë e më pas zbritën edhe vetë duke sulmuar lojtarët e Kombëtares tonë.
Ky veprim i tyre, solli menjëherë ndërprerjen e sfidës, e cila më pas u fitua nga Shqipëria 0-3 në tavolinë. Këtë sfidë e ka risjellë në kujtesën e serbëve edhe gazeta e njohur ‘Kurir’, e cila shkruan se ata i mirëpritën shqiptarët, por si përgjigje morën provokime.
“Serbia e mirëpriti Shqipërinë në një stadium të stërmbushur, në ndeshjet për kualifikueset e EURO 2016, por në stadium u shfaq një dron i të ashtuquajturës Shqipëri e madhe. Mitroviç zbret dronin poshtë, por lojtarët shqiptarë e sulmuan atë, për të marrë flamurin. Tifozët të provokuar nga kjo nuk u përmbajtën dhe u futën në fushë ku sulmuan lojtarët shqiptarë, të cilët u futën në dhomat e zhveshjes dhe nuk u kthyen më…
Organizatori i këtij provokimi skandaloz ishte Ismail Morina, i cili më vonë u bë hero kombëtar në Shqipëri. Morina u ngjit në kishë dhe e lëshoi dronin nga atje. Teka më vonë tha se donte të bënte një verim patriotik për djegien e flamurit shqiptar në Xhenoa. Më vonë gjithashtu kërkoi falje që shkoi te kisha.”, thuhen ndër të tjera në artikullin e gazetës.
Ajo ndeshje hyri në histori sepse përveç fitores, Shqipëria arriti të kualifikohej në “Euro 2016”, ndërsa serbia jo. E duket se edhe sot e kësaj dite, kjo gjë i vret jo pak serbët në kujtimet e tyre…
Pa.Va/Fjala.al
