Gjykatësi Sportiv i ndeshjes Juventus-Napoli ka marrë vendimin përfundimtar për t’i dhënë fitoren në tavolinë bardhezinjve 3-0. E sikur të mos mjaftonte kjo, napoletanët janë dënuar edhe me heqjen e 1 pike nga renditja.
Vendimi për këtë sfidë, ishte një nga temat më të nxehta sportive në Itali javën e fundit. Fillimisht gjyqtari i kësaj sfide, kërkoi më shumë kohë për të marrë një vendim përfundimtar, pasi sipas tij kjo ishte një çështje shumë delikate.
Napoli nuk u paraqit në “Allianz Stadium”, ditën kur duhej të përballej me Juventusin, pasi ishte ndaluar nga autoritetet shëndetësore si pasojë e dy rasteve pozitive në skuadër të Zielinski dhe Elmas. Por nga ana tjetër, Federata e Serie A njoftoi se në protokollin e tyre, ndeshja mund të shtyhet vetëm në rast se në skuadër janë mbi 10 lojtarë pozitivë. Me siguri kjo do të jetë një çështje që nuk do të lihet me kaq nga Presidenti i Napolit, De Laurentis, por tashmë duket e vështirë që Federata të bëjë hapa pas.
Sfida mes “Zonjës së Vjetër” dhe Napolit ishte e vlefshme për javën e tretë në Serie A.
Pa.Va/Fjala.al
