Gjykata e Posaçme e Apelit lë në fuqi masën e sigurimit “pezullim nga detyra” për Artan Shkëmbin. Mësohet se në seancën e sotme në GJKKO ishte i pranishëm edhe Shkëmbi.
Artan Shkëmbi është hetuar që 6 muaj më parë pas një informacioni top-sekret të ardhur nga Gjermania.
Ky informacion ishte për një grup kriminal të trafikut të drogës, që Artan Shkëmbi si dokument ia dorëzoi një prej anëtarëve të këtij grupi duke dekonspiruar informacionin.
Por autoritetet gjermane kanë dekriptuar mesazhin dhe fillimisht GJKKO dhe më pas Ardi Veliu me urdhër ka pezulluar nga detyra Shkëmbin i cili akuzohet për nxjerrje të sekretit hetimor dhe korrupsion.
Ky është hetimi i parë në nivele të larta drejtuese në Policinë e Shtetit ndërsa më herët Artan Shkëmbi kaloi procesin e vetting-ut. Ndonëse me probleme në pasuri por edhe faktit se kishte qenë operativ në ish-Sigurimin e Shtetit, komisioni i Jashtëm i Vlerësimit e kaloi Shkëmbin.
Kjo ka bërë që Prokuroria e Posaçme Kundër Korrupsionit dhe Krimit të Organizuar t’i shtrijë verifikimet dhe tek treshja e gjyqtarëve të komisionit.
Që prej nisjes së Operacionit Forca e Ligjit, pjesa më e madhe e dosjeve i janë kthyer Policisë nga Prokuroria pasi të vetmet asete të sekuestruara janë automjete./Bl.Ba/Fjala.al
