Kryeministri Edi Rama deklaroi se Lulzim Basha ka dashur të japë me koncesion Sharrën gjatë kohës që ishte kryetar Bashkie.
I ftuar në “Opinion”, Rama ka nxjerrë dokumentet me shifra duke theksuar se kjo ka qenë një skemë skandaloze, por u ndalua kur PS erdhi në pushtet.
“Nxirrni pak koncesionin që donte të bënte Basha, se nuk e bëri se nuk e lamë ne, por hëngri 1 milionë shpulla Saliu dhe iku, iku dhe Basha. Unë them koncesionin e Lulzim Bashës. Ai ka dashur ta japë me koncesion Sharrën, dhe skema se kjo është studimi, dhe kjo është letra me firmën e Lulit, është e miratuar koncesion. Ka një shifër ku Basha propozon një koncesion që do ishte realizuar nëse s’do ishte larguar Saliu nga aty, propozimi i tij është një kapital 36 milionë euro, dhe ka shifrën që është 37 mijë lekë për ton, dmth 30 euro, dhe pastaj i jepet privatit. Basha ka dashur të bëjë një koncesion të gabuar nga pikëpamja logjike, se ka dashur të japë para të shtetit dh eta japë në menaxhim me tonë, ndërkohë në bashkinë e Tiranës, qeveria shqiptare nuk paguan asnjë lekë,” deklaroi Rama.
Kryeministri u përfshi në një sërë debatesh mbrëmjen e sotme me panelin e “Opinion”, ku nuk ngurroi të etiketonte gazetarin Fevziu si kryetarin real të PD, pasi sipas tij, Basha është thjesht lideri virtual
Pa.Va/Fjala.al
