Pas testit logjik që kryen dje kandidatët për hetues në Byronë Kombëtare të Hetimit, do të zhvillohet edhe testi fizik për ata që kaluan këtë fazë.
Ditën e djeshme (14.10.2020) pas zhvillimit të testit logjik, ku morën pjesë 424 kandidtë , rezultuan fitues 403 garues, duke përjashtuar vetëm 21 prej tyre.
Për shkak të numrit të lartë të kandidatëve, testi fizik do të zhvillohet për katër ditë duke nisur nga data 19 tetor në ambientet e repartit speciale RENEA në Yzberisht.
Byroja Kombëtare e Hetimit ka njoftuar në faqen zyrtare të saj se testimi do të zhvillohet si më poshtë:
Datë 19.10.2020, do paraqiten për testim kandidatët që janë në listë, me numër rendor : 1 (një) deri në 100 (njëqind) ;
Datë 20.10.2020, do paraqiten për testim kandidatët që janë në listë, me numër rendor: 101 (njëqind e një) deri në 201 (dyqind e një).
Datë 21.10.2020, do paraqiten për testimin kandidatët që janë në listë, me numër rendor: 202 (dyqind e dy) deri në 302 (treqind e dy).
Datë 22.10.2020, do paraqiten për testim kandidatët që janë në listë me numër rendor: 303 (treqind e tre) deri në 403 (katërqind e tre).
Në njoftimin e BKH-së, thuhet gjithashtu se Kandidatët para fillimit të Testit të Aftësive Fizike do të regjistrohen duke paraqitur një dokument identifikimi me fotografi (pasaportë ose kartë identiteti).
Dokumenti identifikimit do të krahasohet me gjeneralitetet e parashikuar në listën emërore.
Para fillimit të testit, garuesit e Testit Fizik, do të marrin pjesë duhet të dorëzojnë tek Komisioni i Përzgjedhjes Raportin Mjekësor, nga specialisti Kardiolog, që vërteton që janë të aftë fizikisht për të marrë pjesë në këtë test pa rrezikuar për infarkt kardiak ose komplikacione kardiovaskulare. /Ra.My.Fjala,al/
