Kryeministri Edi Rama, gjatë një konference për shtyp ditën e sotme ka prezantuar platformën më të re online “Deputeti që duam”.
Rama ka theksuar se janë të mirëpritur në Partinë Socialiste,të gjithë të rinjtë dhe të rejat që kanë interes dhe ide të reja në të mirë të vendit.
“Të interesuarit të dërgojnë një CV të jetës profesionale dhe një letër angazhuese, që janë gjëra minimale për këtë sfidë. Ne do mbledhim të gjitha shprehjet e interesit që vijnë nga të gjitha fushat e jetës.
Do mirëpresim të rinj dhe të reja, jo vetëm në moshë, por edhe në ide e dëshirë. ne duam që të jemi pranë njerëzve dhe të bëjmë sa më shumë shërbim ndaj Shqipërisë dhe qytetarëve. Të interesuarit mund të aplikojnë online, janë të mirëseardhur që të shfaqin interesin e tyre. Të dërgojnë video, ku të thonë pse duan të marrin pjesë”, theksoi Rama.
Pyetur nga gazetarët për platformën e re “Deputeti që duam”, kryeministri është shprehur se kjo është faza e parë e vlerësimit dhe se do të zgjasë 45 ditë.
Sipas tij, kjo është një nga tre fazat ku do të kalojnë socialistët për të qënë pjesë e listave në zgjedhjet e 25 prillit.
“Ka mundësi të bëjë më shumë dhe duhet të kërkojë nga vetja cdo ditë e më shumë. Në kërkim të përditshëm për ta bërë më mirë punën, ka një vlerë të madhe edhe dëgjimi. Unë e kam një sistem të konsoliduar dëgjimi, që edhe si pasojë e eksperiencës e kam shumë funksional. Kryesisht është Facebook pasqyra kryesore, në ëhatsapp tim që është një hapsirë e jashtëzakonshme mesazhesh e për rrjedhojë gjithë farë mendjesh e mendimesh, dhe ky dëgjim specifik i anëtarësisë është një vlerë e shtuar për të kuptuar se cila është marrëdhënia, shkalla e lidhjes mes anëtarëve të PS dhe përfaqësuesve të tyre, cili është opinioni për përfaqësuesit tanë në qeveri.
Pas këtij cikli të parë, do hyjmë pak më thellë, por kjo fazë është edhe një fazë kolaudimi i një procesi të ri. Kodet personale të hyrjes në platformë i kemi dërguar me postë, kanë nisur të ndërveprojnë një pjesë e vogël, i kemi lënë vetes rreth 45 ditë për këtë cikël të parë, dhe me pas do të hyjmë në detaje të tjera. Kjo do të shërbejë për cështje specifike të zonave të komuniteteve dhe në përgjithësi të vendit.” u shpreh Rama.
Vlen për tu theksuar se me sistemin proporcional deputetët konkuronin me njëri-tjetrin në zona të caktuara, ndërkohë sot është sistemi mazhoritar, ku megjithëse u fol për lista të hapura , për listën e deputëve fitues vendos kryetari i partisë./Ra.My.Fjala.al./
