Kryeministri Edi Rama deklaroi se Shqipëria rrezikon një karantinim të dytë.
I ftuar në emisionin “Opinion”, kur u pyet se a rrezikohemi të mbyllemi sërish, Rama e pohoi duke shtuar se maska duhet mbajtur kudo.
“Sigurisht që po. Duhet të mbajë maskën kudo, brenda dhe jashtë. Të respektojmë distancën. Duhet të mos bëjmë dasma, të mos protestojmë për muzikë. të lajmë duart sa më shpesh dhe të japë secili kontributin. Unë personalisht e kam maskën tmerr, por nuk i hyj filozofive.” deklaroi Rama.
Kujtojmë që ditën e sotme në vendin tonë u vendos rekord me 5 viktima dhe 257 raste të reja, shifër kjo që ishte më e larta që nga fillimi i pandemisë.
Pa.Va/Fjala.al
