Nejmari e ka kaluar tanimë Ronaldon dhe është bërë golashënuesi i dytë më i mirë në histori të përfaqësueses së Brazilit, pas 3 golave që shënoi kundër Perusë të martën. Sulmuesi i Paris SG-së shkëlqeu duke shënuar një 3-golësh dhe duke e ndihmuar Brazilit të fitojë 4-2, edhe pse dy herë u gjend në disavantazh.
28-vjeçari ka shënuar tanimë 64 gola në 103 ndeshje për Brazilin, duke e kaluar legjendën Ronaldo Nazario, në vendin e dytë në listën e golashënuesve më të mirë të të gjitha kohëve në Kombëtare. Ronaldo ka shënuar 62 gola në 98 ndeshje për ngjyrat e Brazilit gjatë karrierës së tij 17-vjeçare.
Por ish-sulmuesi i Barcelonës, Interit dhe Realit të Madridit ka fituar dy herë titullin e kampionit të botës, dy herë trofeun e Kupës së Amerikës dhe një herë Kupën e Konfederatave me Brazilin. Vetëm Pele, i cili ka shënuar 77 gola gjithsej, ka më shumë se Nejmari për Brazilin tani për tani./Jo.Be/Fjala.al
