Presidentja e Komisionit Evropian Ursula von der Leyen ka njoftuar se po largohet nga samiti i Bashkimit Evropian në Bruksel.
Kjo pasi, më herët atë e kanë informuar se kishte pasur kontakt me një person që doli pozitiv për COVID-19.
Sipas rregullave, Von der Leyen do të vetizolohet edhe pse siç thekson ajo, ka rezultuar negative për virusin.
“Sapo jam informuar se një anëtar i zyrës sime të përparme ka dalë pozitiv në COVID-19 këtë mëngjes,” tha ajo. “Unë vetë kam rezultuar negative. Sidoqoftë si një masë paraprake unë po largohem menjëherë nga Këshilli Evropian për të shkuar në vet-izolim,” shkruan në Twitter Von der Leyen.
Kujtojmë se Von der Leyen nuk është politikania e parë që vetëizolohet. Kryeministri i Britanisë dhe presidenti i SHBA-ve kanë rezultuar më parë të infektuar me virusin e frikshëm.
la.mi/fjala.al
