Gjeneral brigade Ilir Xhebexhia do të jetë komandanti i ri i Forcave Detare të Shqipërisë.
Lajmin e bën të ditur ministrja e Mbrojtjes, Olta Xhaçka e cila i uron suksese në detyrë teksa thekson se është besimplotë në vijimin e procesit të modernizimit e profesionalizimit.
“Forca Detare do të drejtohet nga gjeneral brigade Ilir Xhebexhia. I uroj suksese komandantit të ri të FD dhe jam besimplotë në vizionin e duhur, për vijimin e procesit të modernizimit e profesionalizmit, që nisin nga investimi te burimet njerëzore, te modernizimi me armatim të anijeve të klasit “Iliria”, e deri te Sistemi i ri i Vëzhgimit Detar”, shkruan Xhaçka.
Gjeneral brigade Ilir Xhebexhia është një ushtarak me një karrierë të shkëlqyer kudo ku ka shërbyer, si: zëvendëskomandant në Qendrën e Radiozbulimit, shef Sektori i Operacioneve dhe Stërvitjes, në Forcën Tokësore, drejtor i Drejtorisë së Operacioneve dhe Stërvitjes në Shtabin e Përgjithshëm të FA.
Meritokracia, përkushtimi dhe profesionalizmi do të vijojnë të jenë kryefjala për një Forcë Detare profesioniste./Bl.Ba/Fjala.al
https://www.facebook.com/xhackaolta/posts/3329109967124700
