Mbi 1 milion ton ujë i ndotur nga termocentrali bërthamor Fukushima Daiichi do të derdhen në det, çka pritet të shkaktohet një përplasje mes pershkatarëve vendas dhe qeverisë japoneze.
Mediat raportojnë se puna për lëshimin e ujit, i cili është ruajtur në më shumë se 1.000 rezervuarë, do të fillojë në 2022, ndërsa do të duhen shumë vite që të përfundojë.
Agjencia e lajmeve Kyodo bëri të ditur se vendimi mund të merret deri në fund të muajit dhe do t’u japë fund debateve mbi atë se çfarë do të bëhet me atë sasi uji, duke përfshirë edhe mundësitë e tjera, si avullimi apo ndërtimi i sa më shumë rezervuarëve të tjerë magazinimi në vende të tjera.
Megjithatë, qeveria prej kohësh mbështet versionin e derdhjes së ujit në Paqësor, përkundër mendimit të peshkatarëve vendas, të cilët thonë se do të shkatërrojë gjithë reputacionin e tyre dhe se do të duhen akoma më shumë vite për të krijuar një reputacion të mirë të industrisë së tyre, pasi një ndikim negativ në lidhje me këtë, u krijua edhe atëherë kur uzina u shkatërrua nga cunami i madh i marsit të 2011.
Shoqatat mjedisore e kanë kundërshtuar këtë projekt, ndërsa Koreja e Jugut, e cila ende ndalon importet e prodhimeve të detit nga rajoni, ka shprehur vazhdimisht shqetësim, duke deklaruar se shkarkimi i ujit të ndotur do të krijonte një “kërcënim të madh” për mjedisin detar.
Që nga muaji i kaluar, 1.23 milion ton ujë, i cili ndotet kur përzihet me ujin e përdorur për të parandaluar shkrirjen e tre bërthamave të reaktorit, janë ruajtur në 1 044 depozita, ndërsa sasia e ujërave të zeza rritet me 170 ton në ditë.
Sistemi i Avancuar i Përpunimit të Lëngjeve të Tepco largon substancat shumë radioaktive nga uji, por nuk arrin të filtrojë tritiumin, një izotop radioaktiv i hidrogjenit që termocentralet bërthamore e hollojnë dhe e hedhin së bashku me ujin në oqean./Re.D/Fjala.al
