Punonjësit e Policisë kanë vendosur 678 gjoba për personat të cilët nuk kanë mbajtur maskën me qëllim frenimin e përhapjes së Covid-19.
Përveç gjobave , janë shoqëruar në komisariat 10 të rinj, të cilët kanë refuzuar të tregojnë mjetin e identifikimit. Pas shoqërimit ata kanë treguar ID e tyre dhe kanë marrë gjobën prej 3000 lekësh secili.
Në datë 15 tetor 2020, hyri në fuqi ligji për mbajtjen e maskave në çdo ambient, të hapur apo të mbyllur.
Në kuadër të këtij vendimi punonjësit e policisë, krahas detyrës për parandalimin dhe evidentimin e paligjmërisë, kanë vijuar kontrollet në terren për të monitoruar vendimin e mbajtjes së maskës.
Që prej orës 17:00 të datës 16.10.2020 deri në orën 17:00 të datës 17.10.2020, shërbimet e Policisë, gjatë kontrolleve, kanë konstatuar se shumica e qytetarëve i kishin vendosur maskat mbrojtëse dhe në orët e mbrëmjes.
Ndërkohë u morën masat administrative për të gjithë qytetarët të cilët nuk respektuan vendimin për mbajtjen e maskës duke vendosur 678 masa administrative me vlerën 3.000 lekë secila. /Ra.My.Fjala.al/
