Shtimi i rasteve të reja me Covid-19 në Itali, ka detyruar autoritet të shqyrtojnë rikthimin e masave shtrënguese.
Ministri i Shëndetësisë, Roberto Speranza është takuar me autoritetet lokale për të diskutuar hapat që mund të merren.
Speranza theksoi se ndjekja e leksioneve për nxënësit do të jetë një ndërthurje mes prezencës fizike në shkolla dhe mësimit online.
Kompanitë private duhet të sigurohen që punëtorët të vazhdojnë punën në distancë nga shtëpia.
Megjithatë, Italia nuk do të rikthejë kufizimet në bare apo restorante, si dhe nuk do të ketë forca policore që të kontrollojnë jetën e natës.
Masat e reja priten të miratohen nga qeveria deri të hënën.
Italia ishte vendi i parë europian që u godit nga Covid-19.
Situata u vendos nën kontroll gjatë muajve të verës dhe vendi po rimerrte veten.
Megjithatë gjatë javëve të fundit rastet pozitive me koronavirus janë shtuar ndjeshëm, duke regjistruar ditën e premte 10,000 raste të reja brenda 24 orëve të fundit, ndërsa u regjistrua shifra më e lartë që nga shpërthimi i pandemisë.
Kujtojmë se Italia ka shënuar një numër shumë të lartë vdekjesh në Europë, duke u pozicionuar pas Britanisë, me mbi 36.000 viktima që prej shpërthimit të pandemisë në muajin shkurt./Re.D/Fjala.al
