E majta ka fituar zgjedhjet politike në Zelandën e Re dhe 40-vjeçarja, Jacinda Ardern është konfirmuar kryeministre e vendit.
Referuar rezultateve të pjeshme, Partia e Punës mblodhi rreth 50.6% të votave, një përqindje kjo që do t’i jepte të majtës 66 vende nga 120 që ka Parlamenti.
Nëse ky rezultat konfirmohet, laburistët mund të kenë shumicën në qeveri, pa pasur nevojën e një koalicioni qeverisësh me të gjelbërit.
Asnjëherë, një parti, nuk kishte arritur një shumicë absolute që nga viti 1996, atëherë kur sistemi proporcional u miratua në Zelandën e Re.
Në kohën kur një fitore historike po afron për të majtën, partitë e qendrës së djathtë po përballen me rezultatin më të keq të njëzet viteve të fundit: 25.7% të votave.
Msohet se kreu i Partisë Kombëtare, Judith Collins ka pranuar humbjen.
“Falenderoj të gjithë ata persona që kanë punuar kaq shumë për të shpërndarë mesazhin tonë. Por mbi të gjitha falenderoj të gjithë ata njerëz që na besuan dhe na dhanë votën e tyre, për të udhëhequr përsëri Zelandën e Re“, u shpreh Jacinda Ardern.
E lindur në Hamilton me 26 korrik të 1980-ës, Ardern ka udhëhequr Partinë e Punës që nga data 1 gusht e vitit 2017. Pesëdhjetë ditë më vonë, ajo e çoi të majtën drejt fitores në zgjedhje, duke u renditur e 37-ta në botë, si një grua e re që drejton një qeveri.
Kryeministrja gëzon një popullaritet të madh në Zelandën e Re. Në janar të vitit 2018 ajo njoftoi se ishte shtatzënë, mbajti postin e kryeministrit dhe në qershor të atij viti lindi në një spital publik.
Në vitin 2019, Ardern komentoi sulmin terrorist në një Xhami në Christchurch, duke deklaruar se përgjigja ndaj urrejtjes është dashuria për njerëzimin. Ndërsa, në vitin 2020, ajoi demonstroi aftësi të mëdha në menaxhimin e urgjencës Covid-19.
Sapo ajo të rizgjidhet, Jacinda Ardern do të qëndrojë në krye të vendit deri në vitin 2023.
“Ne kemi një mandat për të përshpejtuar dhe rifilluar reformat sociale e mjedisore dhe ne do ta fillojmë punën që nga dita e nesërme“, tha ajo.
Duhet të theksohet se me 17 tetor votuesit e Zelandës së Re, gjithashtu votuan për dy referendume; një për legalizimin e eutanazisë dhe një për legalizimin e kanabist rekreativ, por rezultatet e këtyre dy referendumeve nuk do zbulohen deri me 30 tetor./Re.D/Fjala.al
