Bashkimi Europian nuk do të rikthejë vizat për Shqipërinë.
Përfaqësuesi i delegacionit të BE në Tiranë, Sylvain Gambert sqaroi se sistemi online ETIAS, nuk do të aplikohet vetëm për shqipërinë por për 62 vende që kanë liberalizim vizash.
“Jo nuk ka kthim në sistem vizash, me sistemin ETIAS nuk do të thotë aplikim për vizë. Pra flasim për ato vende si Shqipëria të cilat u është dhënë regjimi i liberalizimit të vizave. Pra vende që nuk kanë nevojë për viza për të udhëtuar në Bashkimin Europian. Ne për dy muaj do të fetsojme edhe 10-vjetorin e procesit të liberalizimit të vizave mes BE dhe Shqipërisë. Pra edhe njëherë, nuk sjell ndryshim për vizat sistemi ETIAS. liberalimi i vizave është për 62 shtete që u është lejuar regjimi pa viza. Sistemi ETIAS do të aplikohet për të 62 shtetet përfshirë Shqipërinë. Pra të gjithë qytetarët që vijnë nga këto vende do të duhet të japin informaion paraprak përpara udhëtimit të tyre”, u shpreh ai.
Gambert shton më tej se përpara se të udhëtojnë qytetarët shqiptarë duhet të aplikojnë online dy javë para në sistemin ETIAS ku duhet të japin të dhënat e tyre dhe numrin e pasaportës.
“Përkundrazi përgjigjia është që kjo gjë do të lehtësojë udhëtimin ky autorizim është i vlefshëm për tre vjet brebda kësaj periudhe tre vjeçare, brenda rregullave të sisitemit të liberalizimit të vizave, pra qëndrimi maksimal prej 90 ditësh, mund të udhëtosh për një perudhë tre vjetore duke patur parasysh, që jo çdo herë që udhëton duhet të kesh këtë aurtorizim, por ketë e ke për tre vjet”, theksoi ai.
Para pak javësh kjo çështje shkaktoi polemika në vendin tonë, kryesisht në rrjetet sociale, por që nuk munguan as reagimet nga ana e opozitës. Ishte Kreu i Grupit Parlamentar të Paritsë Socialiste, Taulant Balla ai që reagoi më pas duke thënë se këto janë thjesht spekulime, që sipas tij qarkullojnë me qëllim nga opozita.
Pa.Va/Fjala.al
