Stadiumi kombëtar i Varshavës do të transformohet në një spital të përkohshëm Covid-19 me qëllimin për të menaxhuar numrin e lartë të rasteve të reja.
Vendimi është marrë nga qeveria polake, e cila ka theksuar se stadiumi do të ketë vend për 500 pacientë dhe të do të jetë i pajisur me të gjitha aparaturat që do nevojiten në rastet e terapisë intensive.
Pacientët do të vendosen në sallat e konferencave dhe në disa stenda të posaçme.
Polonia ka shënuar një rritje eksponenciale të pacientëve me Covid-19, krahasuar me shifrat e ulëta që u regjistruan në pranverën e vitit të kaluar.
Megjithatë, vendi ka një mungesë të theksuar të profesionistëve mjekësor dhe mbetet ende e paqartë se si do të menaxhohet situata.
Autoritetet qeveritare kanë planifikuar shtrirjen e këtij plani edhe në rajone të tjera të Polonisë, nëse do të jetë e nevojshme.
Kujtojmë se 7 mijë e 482 raste të reja dhe 41 viktima u shënuan të hënën nga Covid-19.
Mësohet se disa qytete konsiderohen si zona të kuqe dhe për rrjedhojë mbajtja e maskës është e detyrueshme.
Shkollat e mesme dhe universitet vazhdojnë të qëndrojnë të mbyllura, ndërsa mësimi zhvillohet online.
Baret dhe restorantet duhet të mbyllen në orën 21:00, kurse ceremonitë martesore janë të ndaluara dhe numri i njerëzve në ambiente të mbyllura si dyqane, transport publik apo shërbime fetare është i kufizuar./Re.D/Fjala.al
