Navalny është helmuar në një fluturim nga Siberia në Moskë, më 20 gusht.
Ndërkohë Kremlini e mohon helmimin e tij dhe Qeveria ruse i ka rezistuar presionit ndërkombëtar për të hapur hetime në lidhje me rastin.
Politikani rus i opozitës, Aleksei Navalny, tha se Kremlini është duke bërë gjithçka të mundur për ta parandaluar atë që të kthehet në Rusi, por ai këmbënguli se do të rikthehet.
Navalny, kritik i ashpër i presidentit rus, Vladimir Putin, përsëriti për CBS-in se ai është i sigurt se Putini është përgjegjës për helmimin.
Në një intervistë për transmetuesin amerikan CBS, Navalny tha se planifikon të kthehet dhe të vazhdojë luftën e tij kundër korrupsionit.
Ai foli nga Berlini, ku po shërohet nga helmimi me agjentin nervor Noviçok.
Laboratorë të pavarur në Gjermani, Francë dhe Suedi, si dhe Organizata për Ndalimin e Armëve Kimike kanë konfirmuar se Navlany është helmuar me Noviçok.
Javën e kaluar, Bashkimi Evropian ka rënë dakord që të vendosë sanksione kundër gjashtë zyrtarëve rusë dhe një subjekti, për helmimin.
“Unë mendoj se Putin përdor armë kimike për të bërë dy gjëra – për të më vrarë dhe për t’i tmerruar të tjerët”, tha Navalny.
Zëdhënësi i Kremlinit, Dmitry Peskov, tha se akuzat se Putin është përgjegjës janë “të pabaza” dhe “të papranueshme”.
Sipas CBS-it, ai është ende nën mbrojtjen e Qeverisë gjermane, sepse ka shqetësime se mund të jetë shënjestër e një helmimi tjetër.
Navalny është liruar nga një spital i Berlinit më 22 shtator, pasi ka kaluar 32 ditë në klinikë. Ru. Do/ Fjala.al
