Ministri i Jashtëm grek, Nikos Dendias i ka dërguar letra homologëve të tij gjermanë, spanjollë dhe italianë, duke i nxitur ata të mos eksportojnë më me armë Turqinë.
Siç raportojnë mediat greke ,ministri Dendias iu drejtua homologëve të tij nga Gjermania, Heiko Maas, Spanja, Arancha Gonzalez-Laya dhe Italia, Luigi Di Maio, duke treguar veprimet e fundit provokuese të Turqisë, të cilat, siç nënvizon ai, synojnë krijimin e një de-facto statusi me mjete ushtarake.
Sipas “Protothema”, ministri Grek kujtoi kolegët e tij në lidhje me ndërhyrjen përkatëse nga Kryeministri Kyriakos Misotakis në Këshillin e fundit Evropian mbi detyrimin e Shteteve Anëtare të BE, për të pezulluar eksportet e pajisjeve ushtarake vendet që e përdorin këtë pajisje për veprime sulmuese ose destabilizim rajonal, ashtu si po vepron Turqia.
Sidomos në letrën e tij drejtuar homologut të tij gjerman, Ministri Grek kërkoi që të pezullohen lejet e eksporteve për pajisje të caktuara ushtarake në Turqi, të tilla si nëndetëse, fregata, avionë dhe forca të blinduara.
Ditën e sotme Dendias zhvilloi një vizitë zyrtare në vendin tonë ku u takua me kryeministrin Rama, presidentin Meta dhe kryedemokratin Basha. Pas takimit, Rama njoftoi sot se për çështjen e detit, ata vendosën t’i drejtohen Drejtësisë Ndërkombëtare.
Pa.Va/Fjala.al
