Presidenti Ilir Meta ka zhvilluar një takim me Ministrin e Jashtëm të Greqisë, Nikos Dendias, nga ku kërkoi që çështja e detit të trajtohet përmes dialogut dhe respektit reciprok.
Ai është shprehur se pakica greke në Shqipëri është një urë e fortë për miqësinë dhe marrëdhëniet e shëndosha, shtetin grek.
“Pakica greke në Shqipëri është një urë e fortë për miqësinë tonë të gjatë dhe së bashku me shqiptarët që jetojnë në Greqi përbëjnë themelet e marrëdhënieve tona të shëndosha dhe afatgjata.
Në lidhje me çështjen e delimitimit të hapësirës detare ndërmjet dy vendeve, inkurajoj të trajtohet përmes një dialogu të sinqertë dhe respekti reciprok, duke synuar një zgjidhje të përhershme dhe të qëndrueshme.
Marrëveshja për këtë çështje të rëndësishme duhet të jetë në përputhje me Konventën e Kombeve të Bashkuara mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Republikës së Shqipërisë.”, shkruan Presidenti ndër të tjera.
https://www.facebook.com/watch/?v=406167254118213
Më herët ministri Dendias u takua me kryeministrin Edi Rama me të cilin zhvilloi edhe një konferencë të përbashkët.
Pa.Va/Fjala.al
