Një aksident i rëndë ka ndodhur mbrëmjen e sotme në Lushnjë, ku si pasojë ka humbur jetën një 54-vjeçar.
Burime zyrtare nga policia bënë me dije se aksidenti ndodhi rreth orës 18:50, në fshatin Halilaj, Lushnjë.
Shtetasi me iniciale V. B., 54 vjeç, banues në fshatin Verri, Fier, duke drejtuar një motomjet, është përplasur me motomjetin me drejtues shtetasin F. K., 43 vjeç, banues në Halilaj.
Si pasojë e përplasjes ka ndërruar jetë shtetasi V. B., dhe është dëmtuar shtetasi F. K., i cili ndodhet në Spitalin Lushnjë jashtë rrezikut për jetën. Grupi hetimor po punon për zbardhjen e plotë të ngjarjes.
Pa.Va/Fjala.al
