Prokuroria e Posaçme, SPAK ka finalizuar arrestimin e ish-drejtorit të Prokurorimeve Publike në Operatorin e Shpërndarjes së Energjisë Elektrike (OSHEE), Erlis Bushati.
Burime për “Fjala.al” bëjnë me dije se hetimi ka nisur disa muaj më parë dhe është finalizuar sot, ku prokurorët kanë ekzekutuar urdhër arrestin për Bushatin.
Në këtë skemë mësohet se janë të përfshirë edhe disa persona të tjerë, ndërkohë që në kërkim është shpallur ish-shefja e kabinetit në OSHEE, Albana Ferraj për të cilët është dhënë masa “arrest me burg”.
Gjithashtu mësohet se Irma Derguti dhe Athinta Papa janë lënë në ‘arrest shtëpie’.
Arrestimet janë bërë me urdhër të prokurorit Klodian Braho në SPAK, pas një hetimi për korrupsion dhe shkelje të barazisë në tenderë, ku rryshfeti duke favorizuar një kompani italiane shkon deri në 132 mijë euro.
Hetimet paraprake për këtë proçedim penal janë në vazhdim e sipër dhe ende nuk kanë përfunduar./Bl.Ba/Fjala.al
