Kampionët në fuqi të Evropës, Bayern Munchen kanë shkatërruar Atletico Madridin në “Allianz Arena”. Skuadra e Flick e mbylli në avantazh të dyfishtë pjesën e parë ku arriti të shënonte me Coman dhe Goretzka. Në të dytën Tolisso në minutën e 66’ shënoi të tretin dhe më pas Coman kompletoi dopietën e tij në minutën e 72’ duke çuar shifrat në 4-0. Bavarezët po tregojnë edhe një herë se janë skuadra për tu mundur në këtë kompeticion.
Atalanta e Gasperinit shkëlqeu ndaj Midtjylland duke shkatërruar miqtë 0-4. Pjesa e parë u mbyll 0-3 me golat e Zapata, Gomez dhe Muriel ndërsa në të dytën Miranchuk vulosi në fund të sfidën duke çuar rezultatin në 0-4.
Barazim zhgënjyes për Interin në shtëpi që u ndal nga Borussia Moenchengladbach. Zikaltërit u zhbllokuan në pjesën e dytë me Lukakun, por Vidal shkaktoi një 11-metërsh që u shndërua në gol nga Bensebaini. Gladbach kaloi në avantazh në minutën e 84’ me Hoffman, por Lukaku shënoi sërish duke shmangur humbjen për zikaltërit.
Liverpool mposhti minimalisht Ajaxin me një autogol të Tagliafico në minutën e 35’. Në sfidat e tjera, Man.City mposhti Porton 3-1, Olympiacos triumfoi minimalisht ndaj Marseille, ndërsa në sfidat e orës 18:55, Real Madrid u mposht nga Shakhtar ndërkohë që Salzburg dhe Locomotiva e Moskës u ndanë në barazim.
Pa.Va/Fjala.al
