Ministrja e Financave dhe Ekonomisë, Analia Denaj, paraqiti projektligjin “Për buxhetin e vitit 2021”.
Në lidhje me mbajtjen e zgjedhjeve të ardhshme parlamentare Denaj tha se buxheti i 2021 parashikon një fond prej 1 mld lekë për procesin zgjedhor.
Sipas Denaj, rritja ekonomike përgjatë periudhës 2021-2023 pritet të gjenerohet kryesisht nga kërkesa e brendshme, si konsumi privat ashtu edhe investimet.
“Synim për vitrin e ardhshëm do të jetë rimekembja ekonomike pas pandemise. 6 mld lekë janë akorduar për përballimin e pandemisë Covid, përfshirë edhe blerjen e vaksinës.
28 mld lekë janë akorduar për rindërtimin dhe 1,5 mld lekë vetëm per bonusin e qirave për familjet e mbetura pa strehë.
Buxheti 2021 për infrastrukturën, parashikojmë përfundimin e projekteve të nisura. Përparësi siguria rrugore, përfundimi i rrugës së Arbrit, nisja e punimeve në Tunelin e Llogarasë.
Rritja ekonomike për vitin e ardhshëm parashikohet në nivelin 5,5% ndërsa për këtë vit tkurrja mbi 6%,” tha Denaj në mbledhjen e sotme të Konferencës së Kryetarëve, zhvilluar nën drejtimin e Kryetarit të Kuvendit, z. Gramoz Ruçi.
la.mi/Fjala.al
