Ministria e Shëndetësisë në Itali njoftoi të enjten se gjatë24 orëve të fundit janë shënuar 136 viktima dhe 16,079 raste të reja me Covid-19.
Sipas ministrisë, numri i përgjithshëm i viktimave ka shkuar në 36,968. 992 persona janë të shtruar në spital në kujdesin intensiv (66 më shumë se dje). Të shëruarit janë 259,456 (2,082 më shumë se dje), ndërsa aktualisht pozitivët janë 169,302 (13,860 më shumë se dje).
Numri i përgjithshëm i njerëzve të infektuar, përfshirë viktimat dhe të shëruarit, ka shkuar në 465,726.
Më shumë se një mijë raste të reja janë regjistruar në gjashtë rajone: Lombardia (4,125), Piemonte (1,550), Campania (1,541), Veneto (1,325), Lazio (1,251) dhe Toskana (1,145). Më pak e prekur është Molise me 28 raste të reja pas 696 testeve të kryera.
Kujtojmë se ditën e djeshme në Itali u shënuan 127 viktima dhe 15,199 raste të reja.
Pa.Va/Fjala.al
