Ish-deputeti i PD, Ervin Salianji ka reaguar pas përjashtimit nga Komisioni i Vlerësimit të Kandidatëve, duke u shprehur se misioni i tij i vetëm është që demokratët të jenë fitues.
Ai shprehet se nuk është konsumuar në pushtet duke risjellë në vëmendje që në zgjedhjet e kaluara ka marrë vlerësimin më të madh nga anëtarësia si edhe rezultatin më të lartë që PD ka marrë në qarkun ku ka kandiduar.
“Beteja e gjatë opozitare më ka shërbyer të kuptoj se cili person dua të jem në politikë. Unë nuk kam përfituar dhe as jam konsumuar në pushtet. Kam sakrifikuar e investuar fort në betejën opozitare . Falë kësaj beteje mbështetja masive e demokratëve nuk më ka munguar në asnjë hap të rrugëtimit politik. Në zgjedhjet e fundit me mirënjohje pohoj se isha më i vleresuari nga anëtarësia e Partisë Demokratike.
Po aq me mirënjohje përmend rezultatin më të mirë që ka marrë PD në zgjedhjet e fundit parlamentare në qarkun ku garova falë mbeshtetjes tuaj dhe të qytetar Për këtë dhe vetëbesimi dhe forca mbështetet tek ju, si vlerësuesit më të rëndësishēm e legjitim. Për këtë misioni im është një dhe i vetëm, demokratët të jenë fitues”, shkruan Salianji.
Komisioni i Vlerësimit të Kandidatëve në Partinë Demokratike e vendosi Salinajin tek kandidatët që u shtyhet aprovimi, ku përveç tij kishte dhe emra si Luan Baçi, Endri Hasa, Tritan Shehu etj.
Pa.Va/Fjala.al
