Sali Berisha nga 76 vjet 30 i ka jetuar në demokraci. Gjatë emisionit “HARD TALK NGA ROLAND QAFOKU” presidenti i 5-të dhe kryeministri i 32-të i shtetit shqiptar deklaroi se as vetë nuk e kishte imagjinuar se do jetonte ndonjë herë në liri.
-Kurse udhëtimi im në liri është një udhëtim jashtë çdo imagjinate. Unë kurrë ndonjëherë nuk kisha ëndërruar se do merresha me politikë.
Por për hir të së vërtetës edhe në vitin 1990 ndonëse unë kisha filluar të shkruaja, të shfrytëzoj çdo mundësi për të shprehur mendimet e mia, përsëri isha i bindur se një ditë lirie nuk do shihja në jetën time.
Unë iu përkisja atyre që nga dëshpërimi mendoja se ne jemi të ndëshkuar të mbetemi kurba e Adriatikut. Udhëtimi im në politikë është një udhëtim jashtë imagjinate.
Dhe këtë e bën të mundur revolucioni i Dhjetorit 1990, lëvizja studentore me të cilët unë pata fatin e bardhë të bashkohem dhe të vazhdoj atë rrugë në këto 3 dekada, në një udhëtim jashtë imagjinatës sime.
la.mi; ke.ba/Fjala.al
