Islamofobia në Evropë ka arritur në nivele të krahasueshme me trajtimin e hebrenjve para Luftës së Dytë Botërore.
Kështu është shprehur ditën e hënë presidenti turk Erdogan, i cili theksoi ndër të tjera se myslimanët po përjetonin shpërngulje, inkuizicione dhe gjenocid.
“Islamofobia po rritet në Perëndim, duke u shndërruar në një sulm të plotë ndaj Kuranit dhe profetit tonë dhe ndaj gjithçkaje që ne e konsiderojmë të shenjtë”, tha ai në një fjalim televiziv.
Erdogan përmendi ngjarjet e fundit si provë se myslimanët europianë ishin nën sulm të qëndrueshëm, duke përfshirë një sulm të policisë javën e kaluar në Xhaminë Kreuzberg Mevlana afër Berlinit ku ishin vendosur 150 oficerë.
Prokurorët në Gjermani thanë se dyshonin se buxheti prej 70,000 Euro si fond emergjence për koronavirusin, ishte keqpërdorur nga zyrtarë të xhamisë.
Erdogan gjithashtu ka bërë thirrje për të bojkotuar produktet franceze në Turqi, lëvizje e ngjashme me atë në Katar.
“Unë i bëj thirrje kombit tim të mos i kushtojë vëmendje produkteve francize. Mos i blini ato”.
Erdogan në fundjavë sulmoi ashpër presidentin francez, duke vënë në dyshim shëndetin e tij mendor.
Pas kësaj deklarate, Franca ka tërhequr ambasadorin në Ankara, duke deklaruar se komentet e Erdogan ishin fyese./Re.D/Fjala.al
