Një 29-vjeçar është arrestuar nga policia në Durrës pasi katër ditë më parë ka qëlluar me thikë një person.
I plagosur ka mbetur një 54-vjeçar i cili pasi ka marrë mjekim në spital është larguar për në banesë.
Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin: E. Sh., 29 vjeç, banues në Durrës, pasi më datë 23.09.2020, pas një konflikti të çastit, ka goditur me mjet prerës (thikë), shtetasin L. I., 54 vjeç, banues në Durrës.
Materialet i kaluan Prokurorisë së Rrethit Gjyqësor Durrës, për veprat penale “Plagosja e rëndë me dashje”./Bl.Ba/Fjala.al
