20-vjeçari: Gabova tek goli i parë, por shënimin e golave e kam ves. Marash Kumbullës i kanë mjaftuar vetëm pak ditë për të shpalosur edhe një tjetër aspekt të lojës së tij, që nuk e kishim parë te Verona gjatë sezonit të shkuar.
Por, duke folur pas ndeshjes me Milanin, ku ai shënoi golin e barazimi 3-3, djaloshi nga Malësia e Madhe, u shpreh se gjithmonë e ka pasur “vesin” e golit. Është cilësuar si një nga premtimet më të mëdha të mbrojtjes në Kombëtaren kuqezi, por edhe në Serinë A, por, kanë mjaftuar vetëm pak ditë për të shpalosur edhe një tjetër aspekt të lojës së tij, që nuk e kishim parë te Verona gjatë sezonit të shkuar.
Por, duke folur pas ndeshjes me Milanin, ku ai shënoi golin e barazimi 3-3, që ishte i dyti në pak ditë, pas atij të fitores 2-1 të Romës në Ligën e Evropës ndaj Jang Bojs të Bernës, djaloshi nga Malësia e Madhe, u shpreh se gjithmonë e ka pasur “vesin” e golit. “Gjithmonë kam qenë një qendërmbrojtës, por e kisha atë zakonin e shënimit, – ka rrëfyer për Marash Kumbulla, duke folur për rrjetin prestigjioz sportiv “Sky Sport”. – “Vitet e fundit kam luftuar më pak për të shënuar, por gjithmonë e kam pasur atë instinkt”, – shtoi i riu, i cili më pas shtoi se nga goditjet e këndit është edhe më e lehtë të shënohet.
“Topat që të vijnë në zonë janë interesantë dhe është më e lehtë të shënosh nga një goditje këndi”, – tha qendërmbrojtësi, i cili vijoi: “Për fat të mirë topi shkoi në shtyllën e dytë dhe unë arrita të shënoj.” Kumbulla e pranon se ka shumë për t’u përmirësuar, sikurse e pohon gabimin për golin e parë që Roma pësoi kundër Milanit mbrëmë. “Unë mund të përmirësohem shumë në gjithçka, – ka thënë ai. – Kam bërë një gabim që mund ta kisha shmangur. Për fat të mirë shënova dhe e kompensova atë. Po integrohem mirë falë shokëve të skuadrës dhe shpresoj të përmirësohem.”
Por 20-vjeçari i Kombëtares kuqezi është mirënjohës për gjithçka i ka dhënë skuadra e mëparshme, Verona. “Jeta ime ka marrë një përshpejtim të dukshëm falë Veronës dhe trajnerit Juriç, – pohoi Kumbulla. – Ata më dhënë menjëherë besim, pastaj këtë vit u përmirësova dhe isha në gjendje të luaja si titullar në Serie A. Tani shpresoj me Romën të bëj sa më mirë të jetë e mundur”, – ka përfunduar qendërmbrojtësi i skuadrës kryeqytetase.
la.mi/Fjala.al
