Pakistani është zgjuar me një tragjedi pasi një shpërthim ka ndodhur në një shkollë fetare duke i marrë jetën 7 personave dhe duke plagosur 50 të tjerë.
Autoritetet vendase kanë bërë me dije se rreth 60 persona kanë qenë në klasë në shkollën fetare e cila njihet si medrese. Një dëshmitar okular i ka thënë policisë së një burrë hyri në ndërtesë me një qese me eksploziv pak para shpërthimit.
Inspektori i Përgjithshëm i Policisë, Shafqat Malik ka bërë me dije se janë përdorur 5 kilogram eksploziv në këtë sulm. Burimet për BBC bëjnë me dije se mes të vdekurve ka dhe fëmijë. Ndërkohë asnjë grup nuk ka marrë ende përgjegjësi për sulmin.
Qyteti Peshawar, afër kufirit me Afganistanin ka parë disa sulme edhe më të rënda gjatë kryengritjes Talibane në vitet e fundit.
Kujtojmë se gjashtë vjet më parë, persona të armatosur hyn në një shkollë ushtarake duke vrarë 150 persona, përfshirë shumë fëmijë./Re.Gu/Fjala.al
