Kreu i PD Lulzim Basha ka reaguar pas ndarjes nga jeta të kompozitorit të njohur, Avni Mula.
Basha shkruan ndër të tjera se Mula la pas një krijimtari të vyer.
“Arti dhe artdashësit shqiptarë humbën sot Avni Mulën artistin e madh dhe kompozitorin që ndriçoi me artin e tij kohët e errëta e na la pas një krijmtari të vyer. Mendimet e mia sot janë për Invën dhe familjen Mula, miqtë dhe kolegët e artistit të madh Avni Mula. U prehtë në paqe!”, shkruan Basha.
Kompozitori u nda nga jeta në moshën 92-vjeçare mbrëmjen e ditës së enjte ndërkohë që lajmin e bëri të ditur vetë e bija e tij, Inva Mula.
Pa.Va/Fjala.al
