Ministrja e Shëndetësisë Ogerta Manastirliu ka zbuluar bisedat që bënte me kryebashkiakun Erion Veliaj, gjatë kohës që ky i fundit ishte i infektuar me Covid-19.
Ajo ishte e pranishme në takimin që Veliaj kishte organizuar me banorët e njësisë numër.9 në Tiranë. Manastirliu zbuloi se Veliaj kërkonte me ngulm që të dilte nga ajo situatë.
“Po zbuloj një bisedë personale po vlen që ta dini të gjithë ju. Kur Erioni u prek nga Covidi në gusht të këtij viti, këta që bëjnë këtë ping pongun politik ishin me pushime në atë kohë, me Erionin flisja çdo ditë dhe gjëja që më thoshte ishte:
“Kur do iki, kur do dal, kur do negativizohem që të dal se kemi aq shumë gjëra ndërkohë që ishte online gjithë kohës”, tha Manastirliu ndër të tjera.
Kujtojmë se Erion Veliaj u prek nga Covid-19 gjatë muajve korrik-gusht. Ai u infektua bashkë me të shoqen, Ajola Xoxa duke u karantinuar në banesë dhe pas dy javëve iu rikthye sërish detyrës.
Pa.Va/Fjala.al
