Rëndohet pozita për Blendi Tetën i akuzuar për vrasjen e Santiago Malkos. Prokuroria e Posaçme ka kërkuar që të ndryshohet akuza nga “vrasje me paramendim” në “vrasje për hakmarrje”.
Të pandehurit i është dhënë 10 ditë kohë për të bërë kundërshtimet me ndryshimin e cilësimit të veprës penale. Vetë Teta nuk ka qenë i pranishëm në seancë. Seanca e radhës është lënë për në datën 3 nëntor.
Blendi Teta është i arrestuar në lidhje me vrasjen e Santiago Malkos në 27 gusht 2019. Kjo akuzë nga SPAK nuk është vetëm për Tetën, por edhe për të gjithë të akuzuarit. Prokurori i çështjes e ka cilësuar si lapsus akuzën e parë “vrasje me paramendim”.
Tre javë më parë SPAK mbylli hetimet për Blendi Tetën, një prej personave të akuzuar për vrasjen e Santiago Malkos pranë zonës së Xhamllikut më 27 gusht 2019. SPAK akuzon Tafën për vrasje me paramendim kryer në kuadër të grupit kriminal në rolin e ndihmësit.
Prova në ngarkim të Blendi Teta janë të dhënat e përftuara nga përgjimet telefon dhe të dhëna nga ekzaminimi teknik kompjuterik i aparatit celular.
Blendi Teta akuzohet në kuadër të grupit te strukturuar kriminal, ku në rolin e ndihmësit ka ndihmuan në realizimin e vrasjes së Santiago Malkos. Teta ka orientuar pjesëtarët e tjerë të grupit kriminal për lëvizjet e Malkos para ngjarjes.
Pretendimi se ai nuk është përfshirë direkt në krim dhe nuk ka bashkëvepruar me të tjerë për të kryer krimin e vrasjes, pasi është larguar nga vendngjarja para se të kryhej vrasja është hedhur poshtë nga provat e gjetura nga tabulatet telefonike./Bl.Ba/Fjala.al
