Drejtoria e Qytetit Studenti dhe Rezidencat 1 dhe 2 përmes një njoftimi kanë sqaruar studentët të cilët kanë kryer pagesat për konviktet, se detyrimi i paguar i nëntorit do të mbartet në dhjetor.
Rezidenca Studentore Nr.1 në Tiranë ka njoftuar studentët se regjistrimet aktuale në konviktet e Qytetit Studenti, për sezonin arsimor 2020 – 2021, do të jenë të vlefshme.
Me rihapjen e konvikteve, të gjithë studentët do të vijojnë frekuentimin në konvikte sipas kontratave të nëshkruara.
Ndërkohë pagesa e nëntorit do të jetë e vlefshme për muajin dhjetor, për ata studentë që nuk do ta marrin shërbimin.
la.mi/Fjala.al
