Inter vijon të zhgënjejë në këtë sezon të ri ku sot nuk ka shkuar më shumë se barazimi 2-2 me Parman në shtëpi. Zikaltrit e Contes nuk janë konkretë në lojën e tyre duke e bërë atë të lexueshme nga kundërshtari.
Parma kaloi në avantazh menjëherë sapo filloi pjesa e dytë me Gervinho që mposhti Handanoviç duke dërguar topin në trekëndësh. Ishte sërish Gervinho që realizoi edhe golin e dytë në minutën e 62’ pas një depërtimi në mbrojtjen zikaltër.
Skuadra e Contes u zgjua dy minuta më vonë kur Brozovic i sapofutur realizoi me një gjuajtje të bukur nga jashtë zonës. Në fundin e ndeshjes kroati tjetër Ivan Perisic barazoi me kokë pas një harkimi nga Kolarov.
Interi vijon të shpërdorojë dhe të humbasë terren si në kampionat ashtu edhe në Champions. Zikaltrit i pret Real Madrid në mesjavë dhe me këtë formë ata do e kenë shumë të vështirë të ndalin kampionët e Spanjës.
Pa.Va/Fjala.al
