Dy persona janë arrestuar pasi po transportonin 7 emigrantë të paligjshëm me qëllim kalimin e tyre drejt vendeve të BE-së.
Fillimisht në pranga u vendos një 30-vjeçar Denis Sulejmani i cili u kap në afërsi të fshatit Gështenjas, Pogradec teksa po transportonte 4 emigrantë me një mjet tip “Vlokswagen”.
Ai u kishte marrë 200 euro në këmbim të transportimit të tyre drejt vendeve në BE.
Ndërkohë një 18-vjeçar, Skerdilajdo Kamberi banues në Rrogozhinë u arrestua në vendin e quajtur “Lumi i Tërhanit” në Pogradec, duke transportuar me mjetin tip “BMW”, 3 emigrantë të paligjshëm, të cilëve kundrejt fitimit prej 150 euro secilit iu kishte premtuar kalimin drejt vendeve të BE-së.
Materialet në ngarkim të tyre i kaluan Prokurorisë të Rrethit Gjyqësor Pogradec, për veprën penale “Ndihma për kalim të paligjshëm të kufijve”./Bl.Ba/Fjala.al
