Policia ka vazhduar edhe këtë fundjavë, kontrollet me radar në aksin Sauk-Teg. Përveç qytetarëve shqiptarë, ka hasur edhe tre shoferë që jetonin jashtë Shqipërisë.
Si rrjedhim, u vunë 3 gjoba maksimale, me nga 30 mijë lekë të reja secila për abuzim me shpejtësinë për këta drejtues mjetesh rezidentë në një nga vendet e BE-së.
21 Leje Drejtimi u pezulluan në pak orë kontroll, nga të cilat 10 për shpejtësi mbi dyfishin e lejuar dhe 11 se ishin të dehur.
Dy nga të këta të fundit u arrestuan. Radari regjistroi 189 km/h, në një rrugë ku shpejtësia maksimale e lejuar është 90 km/h.
Policia Rrugore apeloi për të gjithë drejtuesit e mjeteve: mos abuzoni me shpejtësinë dhe alkoolin në timon, kujdesuni për jetën tuaj dhe të përdoruesve te tjerë të rrugës./Bl.Ba/Fjala.al
