Një burrë i veshur me rroba “Mesjetare” ka vrarë me shpatë dy persona në Quebec, Kanada. Ndërsa, si pasojë e këtij sulmi kanë mbetur të plagosur pesë persona të tjerë.
Sipas raportimeve të BBC, një person rreth të 20-ave u arrestua pak para orës 01:00 me kohën lokale (05:00 GMT), thanë oficerët.
Policia ka këshilluar banorët që të qëndrojnë brenda shtëpive të tyre, ndërsa për ngjarjen po zhvillohet një hetim. Sulmi ndodhi në lagjen historike të Vjetër Quebec.
Pas arrestimit të agresorit pranë parkut të biznesit Espace 400e, burri u dërgua në spital. Gazetarët në vendngjarje kanë postuar në Twitter foto të një komande të policisë jashtë ndërtesës së Parlamentit të Quebec.
Ende nuk është e qartë se përse ka ndodhur ky sulm me thika. Kujtojmë se Franca është një tjetër shtet i madh, që u godit nga disa sulme terrori, por nuk dihet nëse edhe ngjarjet në Kanada kanë apo jo lidhje me terrorizmin./Bl.Ba/Fjala.al
