Ambasadorja amerikane në Tiranë, Yuri Kim ka reaguar pas njoftimit të Byrosë Kombëtare të Hetimit për procesin e verifimit të rezultateve për përzgjedhjes së anëtarëve të saj.
Përmes një postimi në Tëitter, Kim ka përshëndetur vendimin e BKH për të shqyrtuar rezultatet si dhe korrigjimin e një gabimi me një prej kandidatëve.
“Ne e përshëndesim njoftimin e Byrosë Kombëtare të Hetimit se ajo ka shqyrtuar rezultatet e testit dhe ka korrigjuar një gabim. Sinjal i fortë se BKH po siguron transparencë dhe integritet, praktikon kontrollin e cilësisë dhe po merr përgjegjësi për veprimet e tij. Kështu duket reforma e vërtetë!”, shkruan Kim.
Kujtojmë se BKH kreu rishikimin e të gjithë dokumentacionit të kandidatëve të cilët morën pjesë në testin e aftësive fizike, pas padive në Gjykatë të shtatë konkurrentëve për hetues në këtë institucion.
