Nga rritja e votimit nëpërmjet postës dhe ndarja e thellë politike, rezultatet në SHBA mund të marrin më shumë kohë se zakonisht për t’u konfirmuar.
Shqetësimi mbi Covid-19 ka bërë që shumë votues të votojnë nëpërmjet postës tradicionale. Kjo do të thotë se do të nevojitet më shumë kohë për t’u bërë numërimi i tyre, duke zgjatur me ditë ose dhe javë pas 3 nëntorit. Duke shtuar këtu dhe dyshimet që republikanët kanë hedhur mbi besueshmërinë e votimit me postë dhe refuzimet që vetë Trump ka bërë për të mos pranuar rezultatin.
Votimi përmes postës tradicionale ngadalëson procesin
Mes pandemisë së koronavirusit, gati 60 milion amerikanë kanë votuar tashmë me postë në zgjedhjet e përgjithshme. Në shtetet si Colorado, Oregon, Washington, Utah dhe Haëaii kjo nuk do të jetë problem, pasi kjo mënyrë votimi zhvillohet prej kohësh. Gjatë zgjedhjeve paraprake që ndodhën pas 17 Marsit, një analizë e Washington Post zbuloi se shteteve u duheshin mesatarisht 4 ditë për të raportuar rezultate gati të plota.
Në zgjedhjet e përgjithshme të nëntorit, shtetet do të përpunojnë shumë më shumë fletëvotime sesa në zgjedhjet paraprake. Disa shtete, duke përfshirë shtetet e rëndësishme si Pensilvania dhe Karolina e Veriut kanë zgjatur afatet e tyre për të pranuar fletët e votimit të postuara deri në ditën e zgjedhjeve.
Hedhja e dyshimeve tek votimi përmes postës
Në prag të zgjedhjeve të vitit 2020, Presidenti Trump dhe republikanët e tjerë kanë vënë në dyshim besueshmërinë e votimit përmes postës, pavarësisht se rastet e mashtrimit me votimin përmes postës janë shumë të rralla.
Votimi me postë nuk ka favorizuar më parë njërën palë mbi tjetrën. Në fakt, republikanët dikur kishin pak më shumë të ngjarë të votonin në mungesë. Sidoqoftë, për shkak të mesazheve të fundit, gjërat kanë ndryshuar. Midis amerikanëve që planifikojnë të votojnë, 6 në 10 duan ta bëjnë këtë personalisht (80% e republikanëve dhe 40% e demokratëve), ndërsa 4 në 10 të tjerët do të hedhin votat e tyre me postë.
Zgjidhje nga gjykatat
Mbi 400 çështje ligjore në lidhje me zgjedhjet janë ngritur dhe të dyja fushatat kanë mbledhur ekipet ligjore. Sipas Bruce Ackerman, profesor në Shkollën e Drejtësisë në Yale, çështjet mbi administrimin e zgjedhjeve do të zgjidhen nga gjykatat. Ai dhe ekspertët e tjerë besojnë se nuk ka gjasa që të shohin një përsëritje të vitit 2000, të rastit George Bush dhe Gore, ku ishte gjykata që vendosi rezultatet e zgjedhjeve.
“Humbja e Bushit kundër Gore ishin kundër Gjykatës Supreme të Shteteve të Bashkuara“, thotë Ackerman. “Ajo situatë tronditi studiuesit ligjorë nga i gjithë spektri.”
Kushtetuta vendos
Nëse asnjë kandidat nuk siguron shumicën e zgjedhjeve elektorale për shkak të një barazimi ose mosmarrëveshjesh për zgjedhjet, do të jetë Dhoma e Përfaqësuesve që do të përcaktojë presidentin, siç përcaktohet në Kushtetutën e SHBA. Hera e fundit që ndodhi ishte në shekullin e 19-të.
Nëse deri në datën 20 janar, e cila është data e inaugurimit të presidentit të ri, nuk do të ketë asnjë rezultat të deklaruar, posti do të merret nga zëvendës presidenti, nëse do të jetë zgjedhur një i tillë, ose nga Kryetari i Dhomës së Përfaqësuesve të Shteteve të Bashkuara
Pranimi i rezultateve
Një tjetër mundësi është që Trump të mos njohë rezultatet zgjedhore nëse humbet. Pavarësisht komenteve të Trump të cilat mbartin dyshim mbi pranimin e humbjes, senatorët e SHBA kanë miratuar një rezolutë garanton një tranzicion paqësor të pushtetit.
Shumë vëzhgues mbeten vetëm me shpresë se rezultatet do të jenë mjaftueshëm të qarta që gjërat të mos shkojnë deri këto skenarë. të zgjedhin mbeten me shpresë se rezultatet do të mjaftueshme për të qarta që nuk do të bëjë deri këtu. “Jam optimist që do t’ia dalim pasi interesi në këto zgjedhje është mjaft i lartë”, përfundon Goldenberg./Re.D/Fjala.al
