Dy burra janë arrestuar pasi mashtruan, për 72.000 paund, një doktor për një llambë për të cilën i thanë se brenda saj është xhindi që të plotëson dëshirat.
Pas arrestimit dy burrat pohuan se ata krijuan një xhind të rremë për të mashtruar doktorin Laeek Khan. Khan, tha se një nga burrat pretendoi të ishte një okulist dhe bëri që një ‘xhind’ të shfaqej nga llamba.
Por kur Khan pyeti nëse mund të prekte xhindin apo ta merrte llambën në shtëpi, ata nuk pranuan, duke i thënë se kjo mund të shkaktonte dëme. Në fund ata ia shitën llambën atij duke i premtuar se do të sillte shëndet, pasuri dhe fat të mirë.
Por më vonë doktori deklaroi se ai kuptoi që ‘xhindi’ ishte një burrë i maskuar. Khan kontaktoi policinë kur kuptoi se llamba nuk kishte ndonjë fuqi magjike, siç përshkruhet në përrallën popullore, Aladdin, dhe xhindi që i jepte dëshirat nuk u shfaq kur ai e fërkoi atë.
Oficeri i lartë i policisë Amit Ray tha: Mashtruesit kishin arritur një marrëveshje të mirë dhe mjeku kishte paguar rreth shtatë milion rupi (72.000 paund)./r.g/Fjala.al
