Përfaqësuesi i Lartë i Bashkimi Evropian për Punë të Jashtme dhe Politikë të Sigurisë dhe njëherazi Zv. Presidenti i Komisionit Evropian, Josep Borrell, ka zhvilluar sot një telefonatë me video konferencë me Kryeministrin e Shqipërisë Edi Rama.
Sipas njoftimit të publikuar në faqen e internetit të Komisionit Evropian mësohet se Përfaqësuesi i Lartë përshëndeti angazhimin e Kryeministrit Rama për të çuar Shqipërinë përpara në rrugën e saj të pranimit në BE dhe përparimin vendimtar në përmbushjen e kushteve të vendosura nga konkluzionet e Këshillit të Marsit 2020, të cilat vendi është afër për të përmbushur, në funksion të konferencës së parë ndërqeveritare.
“Unë e mirëpres angazhimin e Shqipërisë për të ecur përpara në rrugën e pranimit në BE. Siç diskutova me kryeministrin Edi Rama, është thelbësore të ruhet dinamika e marrëdhënies BE-Ballkan Perëndimor. Shqipëria luan një rol të rëndësishëm”, shkruan ai në Twitter.
I welcome Albania’s commitment to moving forward on EU accession path.
As discussed with Prime Minster Rama @ediramaal, it is crucial to maintain the dynamic of the EU-Western Balkans relationship. With #Albania playing an important role. pic.twitter.com/mmcDQXUWWG
— Josep Borrell Fontelles (@JosepBorrellF) November 3, 2020
Me Shqipërinë më afër se kurrë në fillimin e negociatave të pranimit në BE, Përfaqësuesi i Lartë nënvizoi nevojën për të vazhduar kryerjen e reformave kryesore të identifikuara nga Këshilli. Kontributi i të gjitha forcave politike do të jetë i dobishëm në sjelljen e vendit në hapin tjetër.
Sa i përket politikës së jashtme, Përfaqësuesi i Lartë Borrell vlerësoi harmonizimin e vazhdueshëm të Shqipërisë me pozicionet e politikës së jashtme të BE.
Pa.Va/Fjala.al
