Federata e Futbollit të Kosovës ka bërë të ditur trajneri i përfaqësueses së “Dardanëve”, Bernard Shalondë, ka publikuar listën e futbollistëve për tri ndeshjet e programuara për muajin nëntor.
Këto 3 përballje janë miqësorja kundër Shqipërisë, më 11 nëntor 2020 në Tiranë, dhe dy ndeshjet e fundit në kuadër të Grupit 3 të Ligës C në Ligën e Kombeve kundër Sllovenisë, më 15 nëntor 2020 në Lubjanë, dhe atë kundër Moldavisë, më 18 nëntor 2020, në Stadiumin “Fadil Vokrri” të Prishtinës.
Për këto tri ndeshje, trajneri zviceran i Kosovës ka ftuar 27 futbollistë, si dhe dy lojtarë i ka në listën rezervë. Në listën e shpallur bie sy kthimi i mesfushorit të Verder Bremenit, Milot Rashicës, por edhe i sulmuesit të Lacios, Vedat Muriqi.
Për herë të parë janë ftuar Betim Fazliji nga klubi zviceran, St. Galenit, dhe sulmuesi i Ballkanit, Mirlind Daku, i cili deri më tash ishte pjesë e përfaqësueses së Nën-21-vjeçarëve. “Dardanët” do të grumbullohen më 9 nëntor 2020 në Durrës.
