Princi William ka rezultuar pozitiv me coronavirus në muajin prill, po ai vendosi të mbante këtë lajm larg publikut.
The Sun raportoi të hënën se William, 38 vjeçar, ishte ‘goditur’ fort nga COVID-19 gati shtatë muaj më parë. Në dritën e faktit se babai i tij Princi Charles, 71 vjeç, ishte kontraktuar me virusin pak para diagnozës së tij, William nuk donte të alarmonte më tej publikun me lajmin që ai gjithashtu u sëmur.
William u shikua nga mjekët mbretërorë në shtëpinë e tij në fshat, Anmer Hall, ku u bë karantinë në javët e para të pandemisë. Princi nuk kishte nevojë të vizitonte spitalin, ndërkohë as Kate Middleton dhe as fëmijët e tyre, Princi George, 7 vjeç, Princesha Charlotte, 5 vjeçe dhe Princi Louis, 2 vjeç, nuk kontraktuan virusin.
Ndërsa Princi Charles u tha të kishte përjetuar ‘simptoma të lehta’, Princi William u ‘godit shumë rëndë’, sipas burimit.
“Në një fazë ai po përpiqej të merrte frymë, kështu që padyshim që të gjithë rreth tij ishin goxha në panik”, tha burimi për The Sun.
Në një rast të papritur që Mbretëresha Elizabeth, Princi Charles dhe Princi William të vdisnin, Princi George do të ishte teknikisht i radhës për të qenë monarku.
Princi William ishte infektuar me coronavirus në fillim të këtij viti, por Pallati Mbretëror e ka fsheh prej publikut
Sipas BBC-së princi William, i dyti në radhë për fronin Britanik, doli pozitiv për coronavirus në fillim të këtij viti, por nuk iu tha publikut,.
Gazeta The Sun së pari shkroi për infektimin e Princit, duke raportuar se William i tha një “miku” se nuk po del në publik sepse “Kishte gjëra të rëndësishme që po ndodhnin dhe nuk doja ta shqetësoja askënd”.
Princi William bëri një pushim shtatë-ditorprej dates 9 prill deri më 16 prill.
la.mi/Fjala.al
