Greqia ka vendosur një izolim të dytë në të gjithë vendin për të ndaluar rritjen e shifrave të të infektuarve me COVID-19.
Ditën e nesërme pritet që kryeministri Kyriakos Mitsotakis dhe kreu i Komitetit të Ekspertëve të dalin në një deklaratë dhe të komunikojnë vendimin, me të cilin është dakordësuar edhe BE. Mësohet se bllokimi i përgjithshëm do ta zgjasë për rreth një muaj, duke nisur që nga data 7 nëntor 2020.
Përveç mbylljes në shtëpi (padyshim që sistemi me SMS që ishte i vlefshëm në bllokimin e parë do të zbatohet gjithashtu) të gjitha dyqanet do të mbyllen përveç supermarketeve, dyqaneve ushqimore, farmacive, pikave të karburantit dhe përgjithësisht atyre që kanë artikuj në treg.
Po ashtu edhe shkollat do të mbyllen me përjashtim të shkollave fillore, ndërsa sistemi i mësimit në distancë do të zbatohet në shkollat e mesme dhe në lice.
Ky vendim i qeverisë u mor pas një rritje të ndjeshme të rasteve dhe presionit të madh që koronavirusi tani po krijon në Sistemin Kombëtar të Shëndetit.
Kujtojmë se Greqia ka shënuar 18 viktima dhe 2646 rastë të reja gjatë 24 orëve të fundit.
Pa.Va/Fjala.al
