Policia e Shtetit ka vijuan me kontrollet në rrugët e Tiranës për të disiplinuar trafikun duke shmangur pengesat dhe parandalimin e aksidenteve që vijnë si rezultat i manovrave të detyruara, për të kaluar mjetet e pushuara në rrugë apo në rresht të dytë.
Policia bën me dije se pavarësisht gjithë punës dhe angazhimit të shtuar në këtë drejtim, numrin e konsiderueshëm të masave administrative që vendosen çdo ditë për këto shkelje, përsëri shumë përdorues mjetesh manifestojnë neglizhencë të theksuar në raport me normat e sjelljes për pushimin dhe qëndrimin e mjeteve.
Po ashtu Policia thekson se këta përdorues bëhen pengesë serioze për mjetet e emergjencës mjekësore në veçanti që janë të preokupuara me pandeminë./Bl.Ba/Fjala.al
