Kamala Harris do të jetë e para zv. presidente grua me ngjyrë në historinë e SHBA.
Harris është tashmë krahu i djathtë i Presidentit të 46-të të SHBA, Joe Biden. Së bashku deri më tani ata kanë fituar 284 vota elektorale që i sigurojnë dhe fitoren.
Harris postoi pak minuta më parë në Twitter një falënderim për të gjithë mbështetësit, duke evidentuar se “këto zgjedhje janë shumë më të rëndësishme se Joe Biden ose vetja ime. Kanë të bëjnë me shpirtin e Amerikës dhe dëshirën për të luftuar për atë. Kemi shumë punë përpara. Le të fillojmë”, u shpreh ajo.
Senatorja e Kalifornisë, do të jetë tashmë një fytyrë e re dhe historike në politikën amerikane. Ajo me këtë arritje ndjek suksesin e Barack Obama që ishte dhe i pari Presidenti i SHBA me ngjyrë.
Pa.Va/Fjala.al
